Author

गोविंद तळवलकर | Govind Talwalkar

गोविंद तळवलकर हे इंग्रजी-मराठीतले पत्रकार व लेखक होते. ते वृत्तपत्रीय अग्रलेखांकरिता विशेषत्वाने परिचित असलेले स्तंभलेखक होते. सामाजिक, राजकीय, आंतरराष्ट्रीय घडामोडीचे भाष्यकार, साक्षेपी संपादक म्हणून त्यांची ख्याती आहे.

1947 मध्ये बी.ए. झाल्यानंतर त्यांनी शंकरराव देव यांच्या नवभारतमध्ये काम करण्यास सुरुवात केली. त्यानंतर बारा वर्षे ते लोकसत्ताचे उप-संपादक होते, तर 27 वर्षे महाराष्ट्र टाइम्सचे संपादक होते.

'टाइम्स ऑफ इंडिया', 'इलस्ट्रेटेड वीकली ऑफ इंडिया', 'द हिंदू', 'द डेक्कन हेरॉल्ड', 'रॅडिकल ह्युमनिस्ट', 'फ्रंटलाइन मॅगझिन' अशा इंग्रजी वृत्तपत्रांतून आणि साप्ताहिकांतूनही तळवलकरांनी लेखन केले. ते 'Asian Age' साठी अमेरिकेतूनही लिहीत असत.
त्यांचे बरेचसे लेखन पुस्तकरूपातही प्रकाशित झाले आहेत.