ना. ग. गोरे | N. G. Gore
15 जून 1907 ते 1 मे 1993 असे 85 वर्षांचे आयुष्य ना. ग. ऊर्फ नानासाहेब गोरे यांना लाभले. थोर स्वातंत्र्यसैनिक, समाजवादी पक्षाचे नेते, पुणे शहराचे महापौर, लोकसभा व राज्यसभा यांचे सदस्य, ब्रिटनमध्ये भारताचे उच्चायुक्त अशी त्यांची राजकीय कारकीर्द होती. 1982 ते 84 या काळात ते साधना साप्ताहिकाचे संपादक होते. या सर्व धकाधकीच्या काळातही त्यांनी उत्तम दर्जाचे ललित व वैचारिक लेखन केले, त्यातून दोन डझन पुस्तके आकाराला आली. शिवाय, राष्ट्रीय स्तरावरील दिग्गज नेत्यांच्या पुस्तकांचे त्यांनी अनुवाद केले, ती संख्या अर्धा डझन एवढी भरते.
