Author

यदुनाथ थत्ते | Yadunath Thatte

5 ऑक्टोबर 1922 ते 10 मे 1998 असे पंचाहत्तर वर्षांचे आयुष्य लाभलेल्या यदुनाथ थत्ते यांची 1942 च्या लढ्यातील स्वातंत्र्यसैनिक, सेवादलाचे कार्यकर्ते-नेते, आंतरभारतीचे नेते-प्रणेते, साधना साप्ताहिकाचे संपादक आणि शंभरांहून अधिक लहान-मोठ्या पुस्तकांचे लेखक अशी पंचरंगी ओळख सांगता येईल. मात्र 1949 ते 82 अशी तब्बल 34 वर्षे त्यांनी साधना साप्ताहिकाच्या संपादनाचे जे काम केले ते विशेष उल्लेखनीय आहे, त्यातील अखेरची पंचवीस वर्षे ते मुख्य संपादक होते.