साने गुरुजींनी १९३३ मध्ये नाशिकच्या तुरुंगात असताना फक्त पाच दिवसांत लिहिलेले श्यामची आई हे पुस्तक, नंतरच्या नऊ दशकांत महाराष्ट्राच्या सामाजिक जीवनात माईलस्टोन ठरले. त्याच पुस्तकावर आधारित, आचार्य प्रल्हाद केशव अत्रे यांनी दिग्दर्शित केलेला मराठी चित्रपट १९५३ मध्ये आला, त्यानेही नंतरच्या सात दशकांत महाराष्ट्राच्या जनमनात स्थान मिळवले. आणि तरीही २०२३ मध्ये, दिग्दर्शक सुजय डहाके यांनी त्याच पुस्तकावर नवा चित्रपट आणला आहे. तो जाणीवपूर्वक कृष्णधवलच केला आहे. साने गुरुजी आणि श्यामची आई यांच्या प्रतिमा नव्याने उजळून काढणारा, किंबहुना त्या प्रतिमांना नवे आयाम बहाल करणारा असा तो झाला आहे. त्या चित्रपटातील विविध प्रसंगांतील छायाचित्रे समाविष्ट करून श्यामची आई या पुस्तकाची काढलेली ही नवी आवृत्ती आहे. मूळच्या आशयाला व अर्थातच त्या विषयाला अधिक सुबोध व आकर्षक आणि अधिक गहन व गंभीर पद्धतीने सादर करण्यासाठी ही आवृत्ती उपयुक्त ठरेल.
Bharatiya Sanskruti | भारतीय संस्कृती
₹200.00एका सामान्य माणसाने सामान्य जनांकरिता लिहिलेले हे पुस्तक आहे. या पुस्तकात पांडित्य नाही, विद्वत्ता नाही. शेकडो ग्रंथांतील आधार व संदर्भवचने वगैरे येथे काहीएक नाही. येथे प्राच्यविद्याविशारदत्व नाही, गहनगंभीर गूढ असे काही नाही. या पुस्तकात एक विशिष्ट दृष्टी मात्र आहे. यात भारतीय संस्कृतीचा इतिहास नाही. कलाक्षेत्रात वा ज्ञानविज्ञानाच्या प्रांतात, व्यापारात वा राजकारणात आम्ही कसे पुढारलेले होतो, त्याची माहिती येथे नाही. चंद्रगुप्त व अशोक, कालिदास व तानसेन, आर्यभट्ट व भास्कराचार्य यांचे अभिनव इतिहास येथे नाहीत. भारतीय संस्कृतीच्या आत्म्याची येथे भेट आहे. तिच्या अंतरंगाचे येथे दर्शन आहे.भारतीय संस्कृतीच्या गाभाऱ्यात प्रवेश आहे.
– साने गुरुजी
Reviews
There are no reviews yet.